30 daga jógaáskorun
Gerðu hreyfingu að daglegri venju. Eygló leiðir þig í gegnum einfaldar æfingar. Útskýringar í máli, myndum og myndböndum.
Hér eru kynntar einfaldar æfingar fyrir kroppinn ásamt hugleiðingu, ein æfing á hverjum degi í 30 daga. Leyfðu mér að hjálpa þér við að búa til nýjar heilsusamlegar venjur sem auka líkamlegt hreysti og skerpa hugann.
Þú hefur ævilangan aðgang að efninu, þú getur endurtekið eins oft og þú vilt!
Kúrsinn er settur þannig upp að yfir eina viku er í það minnsta ein æfing fyrir hver stór liðamót líkamans, auk öndunar- og hugleiðsluæfinga.
Ég mæli með að þú æfir þig í æfingu hvers dags fyrir sig. En þú getur líka flakkað fram og aftur í dögunum og gert þær æfingar sem höfða mest til þín oftar. Þú getur líka gert fleiri en eina æfingu á dag.
Námskeiðið kostar 3.000 kr.
Innifalið:
* 30 einfaldar æfingar útskýrðar í máli, myndum og myndböndum
* Dagleg áminning í tölvupósti
* Æviaðgangur að öllu efninu í gegnum vefinn
* Hægt er að hlaða öllu efninu niður:
* öllum myndböndum ~30 myndbönd
* öllum skjölum ~70 bls af jógaútskýringum með myndum
Höfundaréttur
Eygló Egilsdóttir er höfundur alls efnis sem birtist á þessum kennsluvef. Prosum ehf. er hönnuður og eigandi allra þeirra vara sem eru til sölu í vefverslun.
Höfundaréttur er áskilinn á öllu efni sem er aðgengilegt á þessu vefnámskeiði. Hvert aðgangur á vefnámskeiðið, hver upptaka er ætluð til sölu til einstaklinga. Efnið er ætlað til persónulegra nota og má ekki undir neinum kringumstæðum deila til annarra, nema annað sé tekið fram eða gert með leyfi höfundar.
Your Instructor
Það er mitt persónulega markmið að aðstoða venjulegt fólk við að setja sér góðar venjur sem bæta líkamlegt hreysti og skerpa hugann.
Mín ástríða er að hjálpa þér að komast þangað sem þú vissir ekki að þig langaði!
Hér má finna þær leiðir sem ég hef bæði prófað á sjálfri mér og öðrum og hafa reynst vel.
Ég sagði upp starfi í banka árið 2010 til að leita uppi leiðir til að hjálpa öðrum að bæta heilsuna á einfaldan hátt á hverjum degi. Frá 2008 hef ég ástundað og kennt jóga.
Í meira en áratug var aðalstarf mitt á vegum Jakkafatajóga sem ég stofnaði sjálf árið 2013, en þá bauð ég upp á stutta og hnitmiðaða jógatíma á vinnutíma í vinnurými fyrirtækja.
2019 opnaði ég ásamt öðrum Metabolic Reykjavík; þjálfunarstöð við Gullinbrú sem býður upp á hóptíma í 4 erfiðleikastigum fyrir önnum kafið nútímafólk.
Nú bý ég í Vestmannaeyjum, en þangað flutti ég árið 2023. Þar tók ég við rekstri sem nú heitir Metabolic Vestmannaeyjar sem byggir á sama módeli og þjálfunarstöðin hjá Metabolic Rvk.